လူတစ်ယောက်ရဲ့ အိပ်မက်တွေကို ဖျက်လို့ဖျက်ဆီး
နတ်သမီးဆိုတဲ့ဒင်းကလေးအတွက်...
ဝင်သက်မှာ သတိရခြင်း
ထွက်သက်မှာ လွမ်းဆွတ်မှု
အဲ့ဒိလိုနဲ့...ကဗျာတစ်ပုဒ်ရဲ့ ၀င်သက်ထွက်သက်ဆိုတာ...။ ။
ဥယျာဉ်ထဲမှာ လူတွေကအများကြီး
ပန်းကလေးကတစ်ပွင့်ထဲ
ဘယ်နှယောက်စာမွှေးနေရတာလဲကွယ်
ပန်းကလေးရယ်... ငါမောတယ်။ ။
ဒီမနက်တိုင်းမှာငါလေလွမ်းတတ်ခဲ့ပြီပဲ
ကမ္ဘာတစ်ခြမ်းစာအလွမ်းနဲ့ ထုဆစ်ထားတဲ့မျှော်စင်
လှမ်းကြည့်ရင်တော့ မြင်ရလိမ့်မယ်...
ဟန်ဆောင်ကောင်းသူတစ်ယောက်က
သူ့နှလုံးသားကို...
ရင်ဘတ်ဟဗြဲကြီးနဲ့ ဖုံးဖိထားလေရဲ့...။ ။
တကယ်ဆိုရင်...လိုအပ်ချက်ကွက်လပ်တွေသိပ်များလွန်းနေလို့
တကယ်ဆိုရင်...နက္ခတ်ဆိုးတွေရဲ့အငြိုးကြောင့်
လက်ဖ၀ါးမိုးကောင်းကင်ဟာ
လွင်ပြင်ထဲက ကန္တာရပင်တစ်ပင်...
တကယ်ဆိုရင်...နင်မရှိတဲ့နေ့ရက်တွေကိုရှေ့ဆက်နိုင်ဖို့ ။ ။
နောင်တစ်နေ့တော့...ပြန်တွေ့တာပေါ့
နောင်တစ်နေ့တော့...ငါတို့နှစ်ဦးဖြစ်နိုင်ရင်
ဖြစ်နိုင်မလားမသိဘူးဆိုတဲ့မုန်ယိုဆင်ကို
အပ်ချည်ကြိုးတစ်ပင်နဲ့ရစ်ပတ်ခိုင်မာ
ငါ့ကိုယ်ငါ...လှည့်ပတ်လိမ်ညာ ။ ။
ဇာတ်သိမ်းခန်းမှာ
ကဗျာဆရာရဲ့ဘ၀ဟာ ကဗျာမဆန်ဘဲ
ကဗျာဆရာရဲ့ကဗျာဟာ ဘ၀ဆန်လာတယ်
ဇာတ်သိမ်းခန်းပြီးတော့...မင်းသမီးလေးအကယ်ဒမီရသွားတယ်။ ။
ကြယ်ရိုင်း
No Response to "ချစ်သု ဆင်ဖိုနီ"
Post a Comment
ပြောသွားကြတယ်....