ရှောင်မရတဲ့ လမ်းခွဲညနေတွေ
ငါ့ရင်ဘတ်ပေါ် ရောက်ရောက်လာတယ်
ပိုပြီးနာကျင်စေမယ့် စကားတွေ လွင့်ထွက်မလာခင်
နင်….. ဟိုးဝေးဝေးမှာ သွားနေပေးစမ်းပါ။
အခန်းရဲ့ထောင့်ကျဉ်းတစ်ခုမှာ
ထောင့်ကျယ်တစ်ခုလို စိတ္တဇနဲ့
ခံစားချက်တွေ သံရှည်စွဲတတ်လွန်းလို့
နင်….. ဟိုးဝေးဝေးမှာ သွားနေပေးစမ်းပါ။
အိပ်မက်နဲ့လုပ်တဲ့ ညစစ်စစ်တွေ
လူမြင်မခံဝံ့ပေမယ့် အသေအချာ ငါပိုင်ဆိုင်ခဲ့ဘူးတယ်။
တစ်ကိုယ်စာကျဉ်းကပ်ခဲ့ရတဲ့ နေရာတခုစာမှာ
ဘယ်တော့မှ မဖူလုံနိုင်မယ့် ချစ်ခြင်းတွေ ရှိရဲ့။
ငါ့ရင်ကိုသာ ဟက်ခနဲ ခွဲပြီး….
နင်….. ဟိုးဝေးဝေးမှာ သွားနေပေးစမ်းပါ။
အလွမ်းဆိုတာ နင်ချကျွေးခဲ့တဲ့ အစာ
ငါ့အနီးအနား ရောက်ခဲ့ပေမယ့် ငါ မပိုင်ဆိုင်လိုက်ရတဲ့ စာမျက်နှာ။
ရင်မှာအလိုက်တသိနဲ့ စိတ်ဆန္ဒတွေအောက် ဥပေက္ခာတွေ ချချကျွေးရင်း
ငါ့ရှင်သန်နေထိုင်ခြင်းများရဲ့နောက်……
နင်….. ဟိုးဝေးဝေးမှာ သွားနေပေးစမ်းပါ။
အဝေးမျှော်ခံစားချက်တွေနဲ့
အရူးတပိုင်းစိတ်နဲ့ လေလွင့်လို့ … ရူးနှမ်းလို့
ကိုယ့်ကိုယ်ကိုယ် ဘာမှန်းမသိချင်တော့တဲ့အခါ
နင်….. ဟိုးဝေးဝေးမှာ သွားနေပေးစမ်းပါ။
စိတ်ကူးက နင့်ဆီရောက်နိုင်ပေမယ့်
လက်တွေ့မှာ စည်းရိုးမကျော်ဘူး
မသေနိုင်အောင် လောင်ကျွမ်းဆဲနှလုံးသားက နင့်နှုတ်ခမ်းတွေကို ဆာလောင်တယ်
နင်….. ဟိုးဝေးဝေးမှာ သွားနေပေးစမ်းပါ။
နင့်အပြုံးတစ်ခုနဲ့ ရောင့်ရဲမှုကို
သက်ပြင်းတွေကြား အခါခါ ထိုးသိပ်ထားရ
စကားလုံးနဲ့ အနှစ်သာရတွေ ပြောင်းပြန်အချိုးကျ
ငါက… နင်လူလည်လုပ်ခြင်းကို သိသိကြီးခံနေရတဲ့…. လူ။
ပြင်ဆင်နိုင်ခွင့်မရှိသော
ဘေးကျပ် နံကျပ်အလွမ်းများ.. ရင်ဘတ်ထဲ ပြန့်ကျဲမိတဲ့အခါ
ငါဟာ… နင်မမြင်နိုင်သော အခြားတစ်ဖက်စီကို
လွင့်ထွက်သွားချင်တဲ့….. လူပါ။
မငယ်(စုဗူး)
No Response to "ရင်ကွဲဂီတ(မငယ်)"
Post a Comment
ပြောသွားကြတယ်....